عيد الإتحاد - حسين خميس آل علي

عيدج الميمون أقبل يا بلادي
والفرح والسعد أقبل والسرور

واشرقت شمس الهنا عقب السوادي
وأنورت الآفاق نورٍ فوق نور

غرّد البلبل على الأغصان شادي
وغرّدت ويّاه (م) الفرح الطيور

بالهنا قد عاد عيد الإتحادي
عاده الله كل ما عامٍ يدور

يا بلادي لج ودادٍ في فوادي
راسخٍ بأقصى الضماير في الصدور

انتي غاياتي وحبّي والمرادي
انتي أمّي وآنا بج دايم فخور

أسأل المعبود خلاّق العبادي
يا عسى يسقيج من وبل المطور

© 2023 - موقع الشعر