ودّي أشوفك

لـ حسين خميس آل علي، ، في الغزل والوصف، آخر تحديث

ودّي أشوفك - حسين خميس آل علي

ما أحب أشوفك وانت زعلان
ما أحب أشوفك وانت مهموم
 
ودّي أشوفك دوم فرحان
ما أريد أشوف بعينك غيوم
 
غلطان من زعّلك غلطان
لزوم يتعذّر لك لزوم
 
خل الزعل عنّك والأحزان
ولا تفكّر فيه في يوم
 
عمر الزعل ما ينفع إنسان
ولا ينصف اللي كان مظلوم
 
إنسى أساك وكل ما كان
وبالله تقوّى وشدّ لعزوم
 
افرح يا محبوبي من الآن
قبل العمر لا عنّك يشوم
 
خل الفرح لك دوم عنوان
بتشوف جيش الهم مهزوم
 
عيش بتفاؤل طول الأزمان
خل العمر لك يبتسم دوم
© 2024 - موقع الشعر