ودي أشوفك

لـ فهد بن ساقان، ، في غير مصنف، 46، آخر تحديث

ودي أشوفك - فهد بن ساقان

ليتني ياسعد قبل موتي أشوفك
وليتك تلبّي مطلبي قبل المنون

ودّي أشوفك وأطلبك وأوصيك
تصلّي مع إللّي عليّا بيصلّون

تخنقني العبرة ليا حلّ طاريك
ودموع عيني من محاجرها يهلّون

ضاقت بي الدّنيا وحلّت بي الهموم
وعقّبت في القلب مضاريب وطعون

أقفيت عنّي يا عضيدي وطوّلت الغياب
وخلّيتني لحالي في الأحلام مدفون

عجّل يا سعد قبل ما يقطع الصّوت
ولاّ الأمانة عيالي لا يضيعون

هذي وصيّة والموت حقّ محتوم
ولا عنه مردود لو النّاس يفرّون

وختامها أسألك يا ربّ حسن الختام
وأشهد إنّا إليك يا إلهي راجعون

© 2024 - موقع الشعر