كني سجين... - خالد المخيدش

ياكبر هم ٍ في ضلوع الصدر راج
دايم على الضيق يحدا نفسي حدي
 
 
كني سجين مطوقيني في سياج
نفسي عيوف وخاطري ماهو هدي
 
 
والعين بير...ودمعها مي ٍ هماج
ياكثر ماتروى من دموعي يدي
 
 
ماكل هبات ٍ يجي معها عجاج
ولاكل رعاد ٍ يجي فيه بردي
 
 
وماكل من يمرض نفع معه العلاج
بعض المرض يبقى مع أبن آدم مدي
 
 
أعوذ بالرحمن من كل إنزعاج
ومن نزغ شيطان ٍ على النفس يعدي
 
 
لاشفت شي يزيد تعكير المزاج
أضيق...مايقوى على الضيق أجلدي
 
 
تدري متى أشعر بالأسف والإنحراج..!؟
إليا شكى همه للأنذال..أجودي
 
 
واللي تعل وتكسرن كسر الزجاج..؟
الطيب إليا أنذل من سطوة ردي
 
 
هذي تخلج الروح والكبد أنخلاج
وأضيق وأضيع علومي وأغدي
 
 
وأرجي من المولى سريع الأنفراج
للخاطر اللي دايم ٍ ماهو هدي
 
 
بأسباب هم ٍ في ضلوع الصدر راج
دايم على الضيق يحدا نفسي حدي
© 2024 - موقع الشعر