عزفت الهم - وليد الكهالي

عزفت الهم يا قلبي وانا للهم ويش اعزف
سوى جرحي ودمعي والأسى والضيق واحزاني

عزفت الهم يا قلبي وجرحك بالدما ينزف
وصارت حيرتي عزفي و ونة قلبي الحاني

عزفت الهم يا قلبي وعيني دمعها يذرف
عزفت الهم في اعماق اعماقي ووجداني

وجيت الليل من خوفي وروحي داخلي ترجف
و وجه الصدق ودعني وصوت الكذب ناداني

وجيت البحر بأشكي له وجوي بالجفا يعصف
وموجه يستشف النور من اطراف شطئاني

وجيت الروضه الخضراء بيدي للورود اقطف
واثاري القهر جا يقطف زهوري من على اغصاني

انا من وين جابتني نهاياتي اريد اعرف
وانا لا وين يا عمري قطار العمر وداني

انا ضاقت بي الدنيا وبوحي صار متوقف
انادي للطمأنينه وصوت الخوف يملاني

انا في كل يوم اسمع عن افراحي خبر مؤسف
انا في كل يوم اجمع جروح ليومي الثاني

انا اللي حرت انا اللي ما قدرت استوعب الموقف
انا اللي وقتي استكبر على طيبي وعاداني

انا اللي بالغلا قوّيت من قلبه يريد اضعف
انا ما قلت لما اوفيت شوفو بس ما اوفاني

انا اللي صرت من كثر الندم شاعر ومتفلسف
وانا كثر الذكاء بأسبابه اصرخ آآه ما أغباني

وشف يا وقت كيف اصبحت غارق في همومي شف
وشف لي حل ياوقتي يضمد جرح حرماني

انا شاعر غدى معروف حالي مثلما تعرف
فلايخفاك حالي لا ولاهو الحال يخفاني

عزفت الهم.. كنت اعزف وقلبي بالدما ينزف
وعيني دمعها يذرف ويرجف نبض شرياني

الشاعر / وليد عبد الكريم الكهالي
© 2024 - موقع الشعر