اللي بي أكبر

اللي بي أكبر من فراقي لغالين
لو ان فرقاهم كثير صفعتني

أظن اللي .. بي وداع المحبين
كنت أبقوله والكرامه عصتني

ماهيب من عاداتي أتبع مقفين
لو نار أشواقي لهم ولعتني

وان شفت خلاني على البعد ناوين
أبعد.. ورجلي باعتزاز أبعدتني

خليت أحاسيسي بصدري مغطّين
واليوم صرختهن ترى فزعتني

كني جريح مرمي بين نارين
عزي وقرب عيون مودعتني

وش عاد لا صرنا بروح أو بروحين
ان كانها العزة معك ما اجمعتني

مايجي بها ترجي ولا تجي بتكفين
ولا انذلت بيوم ولا أخضعتني

جا راكب لكن رجع دون خفين
وأنا الكرامه للنجوم ارفعتني

لا مرت الأيام أبي يذكر الزين
مصيرها الذكرى مثل ما ارجعتني ..

ترجعه لي غصب .. لا تله البين
وأقول له: لو عزتي طاوعتني

اللي بي أكبر من فراق الغالين
لو ان فرقاهم كثير اصفعتني