أكبر بعيني - انتظار العتيبي

مابي عذر مليت من كثر الأعذار
مابي ترددها علي كل ساعه

سل الحقيقه واقطع أرقاب الاسرار
وانخ الشجاعه كان عندك شجاعه

كان الزمن ماعلمك معنى الأصرار
ارجع لتاريخ الأهل والجماعه

وانشد كبار السن وافين الأشبار
منهم تعرف إن الرجل باندفاعه

اكبر بعيني مره وأشعل النار
ب أشوف وجهك يوم يسقط قناعه

والله مالومك على كل ماصار
لأن مثلك يغلبنه طباعه

ألوم قلبي ماعرف كيف يختار
وهو السبب في لوعتي والتياعه

وكانك رجل وتعد من ضمن الأخيار
اكسر غلاي ان مد يمك ذراعه

© 2024 - موقع الشعر