بي بي و آيفون - محمد المناعي

يومٍ قضيته دون بي بي وآيفون
في زحمة العالم ونفسي سجينه
 
ما كني الا وحدي ف كل هالكون
وان قلت وين السعد بيقول : وينه
 
واشوف كل واحد يناظر بتلفون
يتبسم و يضحك و يرخي جبينه
 
ما يشبهه بالوصف لو هم يقولون
الا حبيب ايحط عينه بعينه
 
لو إني افتكيت ممن يبنقون
والوكز كان ايهز في كل حينه
 
والواتساب ايراقبك هونن على هون
ويقول من يدخل بعلّم .. عوينه
 
لكنني ضايق و محبط و محزون
كني ' أسد ' مشيول عنه عرينه
 
يومن قضيته دون بي بي ولا ايفون
في زحمة العالم ونفسي سجينه
© 2023 - موقع الشعر