يِضايقِكْ ؟
 لَو جِيت أَبسرِقني . . حِلِمْ !
 من فوق جبين وسادتكْ ؟
 يضايقك ؟
 لو جيت ألملِم. . . صورتي !
 ذِكرى خيال. . . بمرايتك ؟
 يِضايِقك ؟
 عَبرَه . . اضحَكَت !
 على حزين . .احكايِتكْ ؟
 ياهي . . حَزينه !احكايِتِكْ
 يااللي . . تُخون . . امرايِتِكْ !
 شايِف بَها . . فارِس . . عتيد
 تموت بَه . . زَينَة. .الغِيد. .!
 يِضايِقكْ ؟
 إنّي على الفَرقا. . شُفوح !؟
 وتِسْتَغْرِب إني بايعه ؟!
 ما أشتري لعمري .جُروح.!
 وش حَدّني ؟
 حِفنة وعودٍ ضايعه ؟
 بِترِدّ لي ؟
 بِترِدّ فَرْحة الجوري . .
 على الخَد العَذِب ؟!
 كِلُّه. . . كِذِب !
 كِلُّه كِذِب !
 . . . . . .
 أبَكسِرِكْ . .!
 كَلْمَه . . .
 على وَجْهي . . رميت !
 على وَهْجَ الكرامه العارِمَه ؟!
 والله أخطيت
 أخطيت
 أخطيت
 . . . . .
 \\\"أبَكسِرِك\\\" ؟!؟
 في نَفْس بِنتٍ حالِمه . .
 تعمَل تَحدّي . . وإنفجار !
 ومالك علي مثلي يِمين . . يا الإنفجار. .
 لا . . أفجّرك !
 كِلّ الكرامه بإختصار :
 إنّي . . . تحدّيت المهانه بالوقار . .
 أبَسألكْ . . .؟
 من علمك . .؟
 كلمة (مانيب انا ميّت عليك)!؟
 لو هو صحيح . . وش رَجّعكْ ؟
 مَسكي ي ي ين ! !
 ظَنّك . . بِتلقى لي . . جواب ؟!
 ياظاميٍ(ن). .إكْرَعْ سراب !
 و . . أطمّنك
 كِلّي . . تحدّ(ن)
 . . ل الذّبول !
 و أبتركِكْ . .
 من دون أيّة حسايف . .
 خلّيتك أنت اللي . .
 تقول :ياالعايفه . . مانيب عايِف !
 . . وأبكسِركْ . .! !
 هالمرّه . .أنا بكسِرَكْ !
 و . . ب أسمَعِك . .
 أبغى أسمعك
 بكلّ الرجا . . .
 بكلّ الألم . . .
 تَبْكي . . وكلّك ندَم !
 وتقول (أنا. . فيكِ. . . أمو و وت) !
 وتقولها . . وتقولها. . .
 ألف مرّه . . .
 وكِلّ ذرّه . . .باقيه
 من حُبي لك . .
 تموت !
 . . . .
 يِضايِقكْ ؟
 لو . . تِعْتِذِر
 وأدري ودك تعتذر ! !
 لَوْ هو . . .هَوَان !ابتِعْتِذِر !
 وكلك رجا حبي وحبك يستمر ! !
 أبسالك . .
 تقدر تجيني تعتذر ؟
 وش تنتظر ! !؟
 خايف على كاس الكرامه ينكسر ؟
 أبَكسِركْ !
 لوْ تِعتِذر ! !
 ما انتظر منك وعود(ن) زايفه
 وبقهرك. . . لو تعتذر
 باحساس ما عمره يهون . .
 مثل الروابي. . . . النايفه
 واكتبلك باخر جواب . .
 حلمك تلاشى بالسراب
 وتحطمت آخر أماني دنيتك
 وبآخر الصفحه بتلقى كلمتين
 ( إبعد! ! تراني عايفه )

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين