غريبَه! كِلّماأشْتاق

غريبَه! كِلّماأشْتاق
خَنَق حِلْمَ اللّقا بِكْ هَمْ

غريبَه! كِلّ ماغْفى . . فَاق
حِلِمْ مَقْدَرْ أقُلله : نَمْ

غريبِ احْساسِ هالأوراق
نِثَرْني .. قَبْلِ ما يِلْتَمْ

وانامَقْوى على الأشْواق
غَصِبْ أحْلَمْ…غَصِبْ أهْتَمْ

أحِبّك..مُو حَكِي عِشّاق
أحِبّك..آهِ لُو تِفْهَمْ

زِمانِكْ مِنْ زِمانِي .. انْباق
يَ كيفَ احْسِبْ سنيني.. كَمْ؟!

وِمَكْثَرْ مِنْ يِجي سَبّاق
غَلا .. سَمّي / فِديتِكْ تَمْ

وِلِي غيرِكْ أبَدْ ما رَاق
حَرام(ن) مِثْلِِ حُرْمَة دَمْ

أسُوقَ الْوِدْ مِثِلْ ماانْساق..
نَفَسْ لاهِبْ يِغادِرْ فَمْ

يِظَلْ حُبّي.. سِجيْنَ افْراق
زبانِيْتَه:أبدْ /لا /لَمْ !

كِفايَه الْبُعْدِمايِنْطاق
وانا بُعْدِكْ جَرَعْتَهْ سِمْ

حَيَاتي .. والْوَصِلْ مِعْتَاق
بَلاها هالحَياةِ الْغَمْ

يَ لاهي .. والزّمَنْ سَرّاق
يَ مُبْحِرْ فِ الْهُدُوءِ الْ جَمْ

قَبِلْ لَ اغْرِبْ .. أبيكِ اشْراق
قَبِلْ خَطْفي .. بِ خَطْفي ..هِمْ!

قَبِلْ ل اظْمَى أبيكِ اغْراق
بَلا شاطي إذا انْتَ الْيَمْ

عيُوني ماتِمِلّ اعْناق..
عيُونك .. وِانْ غَضَتْ لِكْ ..سَمْ

حقايِقْ غَادَرَتْ لَ اعْماق
لَجِلْ كِلْمَه .. خِلِق هَالْفمْ

دخيلك..بَعْثِرِ ال أوْراق
وِ لَمْلِمْ/ني .. دخيلك لِمْ

دخيلك بَعْثِرالأوراق
ولَمْلِمني... دخيلك لمْ