ما قلت لِك!؟
 إنك معي ؟!
 في كل مكان إنتَ معي
 وبكل زمان إنتَ معي
 في ضحكتي
 في مدْمَعي
 !!
 ماقلت لِك!؟
 يااللي عذابي
 لِك صدى !
 ومن سكّتك عمري
 إبتدى !!
 رحلةشتات
 ويا صدفه
 لا لا
 تجمعي !
 !!
 ماقلت لِك!؟
 كيف السحاب مني
 شَرَدْ !؟
 وف مهجتك رذرذ
 بَرَدْ !
 ويومٍ بكى فيني
 الظما
 تقول لي :
 وش لِكْ مَعي ؟!
 !!
 ما قلت لي ؟
 ليه ؟!
 يسكن إحساسك
 ضباب !؟
 وليه كاسي منك
 يملاها السراب ؟
 وليه ؟؟
 في همستك نبره
 يِسْكِر صداها
 مَسمَعي !؟
 !!
 وش قلت لِك ؟
 وش قلت لي؟
 خلاصة الهرج
 الطويل !
 يا مسوّي فيها
 ثقيل !
 ماابغى لأسئلتي
 جواب !
 ويكفيني من وصلك
 عتاب !
 حتى ولو قلت:
 إِر ر ركدي !!
 ويابنت مني إسمعي
 قلبي بِخِيل
 وفْ حبي
 لا لا
 تِطمعي !

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر - بواسطة شركة المبرمجين