هذا بلاء ابوك يا عقاب!!

الجرح مبطي ما اشتكى من عذابه
بينه وبين البوح ياصاحبي حجاب

جرحي وانا كاميه واعرف جوابه
لاتنشده عن خافيه مالها اسباب!!

تبي تعرف شلون..زاد التهابه؟؟
واستنزف الطعنات سيف وحراب؟؟

اسئل ضميرك وانشده..وش جرابه؟؟
تلقى الاجابه فيه يا (سيد الاحباب)

دؤن سؤال وشاهده بالكتابه
تلقى حروفه دم !! وسطوره عتاب!!

ليه الهجر والصد .. مفتوح بابه؟؟
وليه القسى والهم .. تفتح له ابواب؟؟

وليه الغياب المر .. ترفع خطابه؟؟
(ماتدري ان لي قلب..في غيبتك ذاااب)؟

احدن يغيب ولانشدنا غيابه
واحدن يحن القلب عقبه ليا غاب

حنيت لك حنت خلوج غدابه
راعي بكار لاجهم عقّب هضاب

تنعي تبي ذاك المكان وخرابه
وشدوا رحيل وزملوا فوقه اطناب

وهذي همومي يالغلآ.. ويش جابه؟؟
(جرح فتق في جرح قاسي ولا طاب)

جرحك نزف بين الضلوع ولجابه
وا شيب قلب اللي تشيّب وهو شاب

والمشكله تدري.. وتجهل عذابه
مقيولتن (هذا بلاء ابوك يا عقاب)!!!