أهوجس : من بلاء

يوم أفكر فالوجيه اللي مايغشاها حيا
تنطوي روحي على نفسي وهوجس فالخلا
 
العرب جاها بلاء صابها بعض الغيا
الغيا فعقولها مدري مجننها بلاء
 
والله اني مالبست البشت من وارد كيا
ولا لبست من الثياب اللي مبيّدها البلى
 
العرب فيها نشاما والعرب فيها عيا
نحترم كل النشاما والعيا والله فلا
 
يابكور الوسم فعيون الغيا ليه الحيا
اعلني يومٍ جديد والبسي ثوب الغلا
 
المجاهد في جهاده يعلن البرق الحيا
كل خطواته جهاده مايبي غير العلا
 
دام وقت الكذب ناز انتشر فيه الريا
والرقاب اتجيبها بعض العرب علبة حلا
 
من شياطين العرب للشياطين اخويا
كل ماشافت بعضها قالت اهلاً ياهلا
 
من سرى ليل الدجا يعمسه نور الضيا
ابتلى به وقته اللي مبتلي به وابتلى
 
وقتنا فيه الضعيف وفيه من ناس أقويا
القوي من يحفظ كتاب الرحيم المنزلا
 
الله اكبر الله اكبر الله اكبر يالعيا
مارضينا بالعلوم اللي يشاهدها الملا
 
يوم أفكر فالوجيه اللي تعداها الحيا
تنطوي روحي على نفسي وهوجس من بلاء