مثلث : الطوق

مانيب متكبر ولانيب مختل
ولانيب من يعجز ليا صابه العوق
 
ولاني ولد نعمه ولاني ولد ذل
تشهد عتيبه كلها برق مع روق
 
أوقف لها :لو جات ياقف لي الظل
أعتى مطيه(ف) الهواء سقتها سوق
 
يانجم ياللي (ف) السماء فوق ومطل
أقرب تراني ناوي أصعد ليا فوق
 
مليت من دنيا العناء خاطري مل
مادام دنيا الشوق مارامت الشوق
 
ارق المعالي فوق من دونها خل
ترى ليال الغدر ماتامن البوق
 
بيحت سدي كل ماجيت بسأل
لقيت نفسي داخل امثلث الطوق
 
العقل نعمه كل من يفقده ظل
ظل الطريق وخانته حاسّة الذوق
 
يانجم لاتزعل وعلّ الزعل علّ
ترى الحزن في داخل العين والموق
 
صلّ الصلاه اوتالي الليل قم صلّ
وجهه الحياه يعود لك ينقلب فوق