للحق : عنوان

أوقف مواقيف الرجال القويين
لاكن مااوقف موقف فيه خله
 
الله عطاني قسوة البأس واللين
أقسى ليا شفت العلوم المخله
 
واللين طبعي داخلي قلب ويلين
لاشاف من هو وقت قيضه يمله
 
ماني من اللي يحسبون الملايين
ولاني من اللي حده الوقت كله
 
اعرف طريق الحق وامشي معه زين
ولا طريق ابليس ماجيت لله
 
للحق عنوان ولأهله عناوين
كل على العنوان يأخذ محله
 
الوقت يمشي به مجنن وصاحين
أحد غواه الدرب وأحد يدله
 
لابد من يوم تقر الموازين
وكل يحسب أحساب كثره وقله
 
لو الحمول أثقال ماتدمع العين
تدمع عيون للرجال المقله
 
مايتعب الرجال واحد من أثنين
واللغز للرجال يابسط حله
 
هذا كلام الصدق عندي براهين
والبينة في الشرع حق تدله
 
أوقف مواقيف الرجال العنيدين
(ب)السان لايكذب ولاجاب زله