رواني الشوك والثيِّلْ...!!

تحيِّرني سواة الحر بعد شمس الضحى يبيِّّن
يقول الحُب فيك أمثال يحلِّي الكلمة ويميِّلْ

عطيته بس من دمي وضعف القلب له هيِّن
نِصيت الروح في قُربه أبيع العمر وأكيِّلْ

مِشى كِذبه على طبعه يجيب الفكرة ويعيِّن
نِسى إن الهوى فيني بحوره صدقها يسيِّلْ

ملاني بحيرة فوق الخوف ضمى يجفى ويشيِّن
تعبت وماعرفت أدمع كفايةدمعتي اتخيِّلْ

نسيت أشره على صده مادامه طيِّب ايزيِّن
رمتني الغيمة لجروحي رعود ابرقها إتشيِّلْ

مساحة عشتها وياه بدت حُب وغلا بيِّن
رويته عطر من وردي رواني الشوك والثيِّلْ