الشوك عثه

لـ محمد العيباني، ، في غير مصنف، 21، آخر تحديث

الشوك عثه - محمد العيباني

علقتني مابين روحه ورده
مدري تبي الرده والا تبي تروح

الوجد ينزف من عنا الوقت ورده
الشوك ماله روح والشعر له روح

يالي على الميراد ماضاع ورده
انا سفينة نوح ما ساقها نوح

اخذ الخبر عني ومني ورده
جبلك مدقه وطق مسمار باللوح

العام عديناه حره و برده
و اليوم هذا العام امراض وجروح

الشوك غثه ان نبت تحت ورده
وانشد حمام الدوح وشعنده اينوح

انشد هجوس الشعر وشكان ورده
ماجالك الا بيت واضح ومشروح

شرد المعاني ماتبي غير ورده
والشوك ماله روح والورد له روح

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر