متفاعلات الوجد - محمد العيباني

ابا اجمع الاعداد فيك انت واضربك
بنبا استعادات المواضي في تفعيل
متفاعلات الوجد تفصل وتشبك
علا احاسيسي الجمايل بتكميل
كملتها في التكملااا الي تزهبك
كريم في مدي ومثلك مهو بخيل
ياصاحبي صاحبك ماهو يتعبك
يشيل جرحه فوق جرحك من الويل
ماله مطاليبن معك وانت مطلبك
وماهوب عنده يا غرام المراسيل
يساري الليله هل المسرى يطربك
وين الطرب ياساري الليل في الليل
اباخذك لااقلام شعري واكاتبك
اليا كتب حرفي جزلا وانا جزيل
ماهو مشرق بك ولا اني مغربك
يامن علا المرقب لي عيونك تخيل
كملي طيوري تحوم من فوق مرقبك
عن الكثير المنقطع دون تقليل
في حقوق بدع الشعر مانيب غاصبك
وكشفت كواليس المسلسل رياجيل
ماجيت طامع بك ما اجيت اجربك
الجود يالموجود مابه محاصيل
ماقلت لي فيني وش كان معجبك
الين العباير هلهلت في الهماليل
عني مبعدك الي قبل لي مقربك
ياضي عيون الشعر يادارج السيل
ترضى علي الموت ولا اقبل اعاتبك
ليا رضيت في موتتي شلت بالحيل
انا الوحيد الي قدر يتقن الحبك
وام العيون السود تعدل الميل
حروف شعري محادثة سر كاتبك
يالين غيهب كتبي اعطى التفاصيل
الى مناديبي ياقلبي تشقلبك
ساقي سواتي السحر عرفى بتبجيل
ضميرك الغايب اذا جيت انبك
مثلث الاضلاع منحوت والخيل
والخيل تغزي لا المعارك واحبك
حبا شبكني في قيود المواصيل
واليتك تحن وترجع واتتوب وربك
وربك انا العالي علا نجمة سهيل
مثل انسكاب الغيم الشعر ساكبك
حتى عيون الشعر فيها المراسيل
مرسال يطلبني ومرسال يطلبك
وعلى عيال ادام ما فيه توكيل
المنخلق من نار ناره لا تلهبك
اسرع من النبره والقيس بالميل
قبل تحاسبني قبل ما تحاسبك
اصغر من الذره واكبر من الفيل
ومن كثر شوقي ودي اكلك واشربك
حرم وحلال ياحلو طبعك مهو حليل
وسلبتني مني وانا كنت بسلبك
الكوكب الدري فدته القناديل
لا تغلق الجوال في وجه صاحبك
ولا وحسافة دقته فى اول الليل
الي مهو مجاوبك ماهو يجاوبك
لا تشغل افكارك بطرق التاويل
اشرهه على عاسفك والي مدربك
ما خرب طبوع الاصايل سوى خبيل
اشرهه على الي اليا تسنعت خربك
مانيب وانا محمد في نقال اقاويل
ولا تحسبيني اتعلق في قاربك
مانيب غرقان الفنا اغرق النيل
قفا المناديبي على باب مندبك
اخي الثريا خا الجدي اخوالنا سهيل
وكمل قمرنا اربعة عشر واذهبك
خارج نطاق الحسب جمله وتفصيل
يوم ان عينينك تجي تحت حاجبك
انا عينيني في السما تدرج السيل
رغم ٍ لاحسب الابجديات راغبك
والي مايرقا لخله ينزل بتحويل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر