هاجس ٍ يتسعط الجزله سعوط - ناصر القريشي

القلم ينزف على كل الشخوط
والدفاتر امتلت شخط وشخيط

هاجس ٍ يتسعط الجزله سعوط
من نهرها لابحرها لا المحيط

انظم القيفان بحبر الاخطبوط
والمعاني تشتكي مني الشطيط

الحروف الابجديَه بلا نقوط
وصفها توَصيف فاقد مايحيط

وللكتب عنوان اتبيَنه الخطوط
والعناكب كيف تحيا دون خيط

العصا ألمن عصا وللبعض سوط
يجلد الجلاد وينقص البقيط

يافهد يابوك ذالوقت معبوط
مختلطبه صاحي ورقله وعبيط

رافق الاصيل ولاتخاوي مخلوط
والقريب احذره لوَنك نشيط

الفلك دوار وللدنيا حابوط
واحذر الدنيا تغديبك خيط بيط

مؤمنين ابفعل ربي بقوم لوط
ومؤمنين انه القوي وانه البسيط

الحياه للحيَ تتقدر بشوط
ولايحيل الحيَ عن خالقه حيط

مانوا من صام وصلى بالهبوط
وكل ظال وغاضب الله بالحطيط

للمصليَ اوسام ٍ ودرع ٍ ونوط
ومن عصى ربه يهفا مهفا مقيط

© 2024 - موقع الشعر