الخير والسيف(قصيدة عن عنك واهلها)

يابو فهد والنفس تحتاج تلطيف
عسّيت ابقطف جوع مشمش وخوخه

شرّقت والدنيا قدور وتصاريف
بسود السحاب اللي به المزن زوخه

واقبلت حول النايفه والمشاريف
والقلب هلّل واتعبنّه شروخه

جيت الديار اللي ترّبع بها الكيف
دار(ن) على العدوان ماهي رضوخه

شرق الجزيره خابر(ن) لي مواليف
ديرة خوالد بالمراجل طنوخه

ديرة (عنك) يزهى بها الخيل والسيف
ديره لها التاريخ يبكي شموخه

فكري تراجع والخواطر مراديف
والراس صاب الراس تسعين دوخه

نفسي عليها جاوبت بالغطاريف
والحال فيها من فرحْها كفوخه

ماضي مجيد وحاضر(ن) فيه تشريف
رحت آتذكر لابتي مع شيوخه

اللي معرّف مايبي اليوم تعريف
ايامنا يا (عنك) شفقى صروخه

اشتاق لك شوق النجر لقْبل الضيف
ويشتاق لك قبل الحباري فروخه

تاريخ حافل مابه ادناة تزييف
ولاهي بعد حالات شعري نذوخه

العز وش هالعز ؟ لولاه ماشيف
يا(عنك) نفسي من غلاتك طفوخه

يابو فهد والروح من غير تحليف
روحي على نار المفارق طبوخه

حالة مشاعر قلتها بغير تحريف
وكل(ن) حسب ظنه قصيده ينوخه