حصاد الخير 00 قصيدة ثناء

الله على فنجال للراس ميزان
في مجلسن زين النبا في حياده

راعيه شيخن والكرم فيه عنوان
يشهد له الي له لفى في بلاده

شيخن زرع بالطيب روضه وبستان
يجني حصاد الخير بأول حصاده

لاجيت ابوصف طير حرن وشعلان
دايم سمين الطيْبه من هداده

تلبقله الزينه من ساس عربان
على النقا 0الطيب دايم ميراده

فراج فراج الكرب بن عديوان
صيته شموخ العز والجود زاده

ماقولها مجامل ولاهي بحسبان
فعلاً دروبه فوق كل النقاده

ذكره عزيز القوم للكل نيشان
صيتن تميزبه واسس عماده

ماتوفي الكلمه ولو قلت ديوان
يزين شعري فيه يضوي مداده

لله يبدي الخير ولله ما كان
دايم طريق الحق دربه وميراده

سمحن قبول الوجه ملفى وله شان
نوخ ركاب الجود وثق عتاده

قرمن علومه بيض 0لعلمها صان
هيْن حليم القلب 0فيه الركاده

يالله ياخالق ياواحد يارحمن
تحفظ طريقه تجعله بالسعاده