رد ثناء

سلام والبيضاء على راس مابان
ترفع وانا ابن سمير لعيال عايد

نخيتهم نخوت دريكٍ وغرقان
وانا اشهد ان عيال عايد ولايد

قامو مقامٍ يتعب فلان وفلان
كثير عنه من الاوادم يحايد

معروفهم ماانساه مع مر الازمان
ربع عليهم ماتكيد الكوايد

اجنوبهم صلبه مثل ضلع ورقان
تسرهم وقت القسا والشدايد

يوم الردي ماسر سيفه بالامتان
لاهو بلا نافع ولا هو بفايد

خلى الزياده بعض الاحيان نقصان
مامن وراها للاوادم فوايد

والحمل لبليهان واخوه شقران
معروف في كل العرب والبدايد

وانتم وقفتم يشهد الله بوكدان
وشلتو عن القلب الجريح الوقايد

فرحان من ينخاه ماهو بندمان
يلقى الذرى عن العنا والنكايد

وايضا سمي الهاشمي طير حوران
انا اشهد انه من رجال العوايد

انتم هل النخوه والافعال برهان
وانتم هل الشيمه وساع البنايد

وانتم هل الوقفات يوم الزمن شان
كلٍ فزع كنه على الطيب ذايد

ببقى لكم لو طالت سنيني مدان
معروف مع طول الحياه يتزايد

ماانساه لين يلف جسمي بالاكفان
واسكن عقب وسع القصور اللحايد

ياللي لكم بالطيب منزل وعنوان
ميقافكم عن كل ماقلت زايد

بثني عليكم بالقوافي والآوزان
ماغرد القمري بخضر الجرايد

واختام قولي يامحمد وفرحان
انتم فخر قدام كل البدايد