الله وجدنا واكمل الشي نقصان
وله حكمة(ن) فينا دروب الخطية

والكامل الله واصدق القول قران
وشعري لمن عانا بزمانه هدية !!

ماعشقته في حياتي همّ وترديد الونين
غصب انا لاجيت ابضحك عاكست من كل صوب !

من قبل لااشوفك حقيقة خيالي
كنت احسب اللي يشبه البدر كذبه !

والله لو كان الهوى بعين ينشاف
لااشفي جروحي واشرب طروش دمه !

تلعب بقلبي وبيدك الحل كله
يالعنبوا قلب(ن) تمادى برجواك !

سكرات موتي بين الاضلاع ترجف
اهون علي من قولة اني احبك !

ان كان تبغاني نديم بحياتك
لاتشرب الما !! ... واسهر العمر كله !!

صبرت ولو كان الصبر مايفيد
ماودّي اشكي همّي للوقت الابكم !!

ياللأسف قلبك تغّير علينا
كم لي وانا عن شوفتك غصب صايم؟

متى على الله ياحبيّب تجينا
من طوّل الغيبات جاب الغنايم !

كيفي وراسي مع اهل الطيب
والا الردي بيّه وجده !

والذيب ماورّث الا ذيب
وعلى اضيق الدرب لاتحده !

صدق مامثلك صغير ولاكبير
غير نفسك واربعين اللي معك !

بالشبه .. والا المزايا ماتصير
منتصب يالعنبوا من دلعك !!

عطني من اوقات المحبة ثواني
واحكم علي في باقي العمر للنار !

مير انت يازين الوصايف اناني
كنْ بيني وبين اهلك الدم والثار !

انتَ .. وعذالي .. وحظي .. وزماني
مدري اشبلاكم صرتوا العين والجار !

انا ماعاد ابي حياة التصادم
وحبك ترى لاهوب حجّه ولافرض !

لعبت فيني لعبت ابليس بادم !
طاوعت حبك لين نزلني الأرض !

وانا ادري انك ماانت مهتم ونادم
ياما شكينا فجوة الطول والعرض


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر