يوم الثلاثا ناطحني ثلاثا - محمد بن لعبون
يوم الثلاثا ناطحني ثلاثاغزلان صنع بمشيهن عباثايوم عرفت الريم قمت اتثاثافي مشيتي لين اقربني الامهارقالوا السلام وقلت أهلاً هلا بمنفي هرجهن أحلى من العسل والمنهم الدوا والدا وهم غاية المنظبي تلوعيات ما مثلهن صارقالوا علامك ما تبين عليناذي عشرة أيام ولا انت بتجينايا ناس أنا سديت بابي بعجيناسديت باب ثم سمرته بمسمارقالوا نرى حكيك حكي صب زعلانهو ذا الزعل من قلب لو بس بلسانقلت لا زعل قلب ولا عاد بلسانلكن شره ما بين الآصحاب يندارأشره عليكم يوم أنا كنت مصخنعلومكم عني وأنا اللي مصخنومسامعي للباب دوم استصخنحيث متحري إنكم تجوا اليوم زوارشافاني الله وقمت من فضل واحدولا فزت منكم يا الثلاثة بواحدقلت انكم بعتوا واحد بواحدقطع الزيارة هي علامات الانكارقالوا حشا يا شيت ما احنا دريناإن كان حنا لازم لك درينالا محاذرين احد ولا من دريناله خاطر غيرك لو صرت لنا عارنبغي العذر من الله ومنك تراناما احنا أهل خونه وفينا حنانالكن جهل ما عاد فينا فطاناقلت العذر مقبول لو صار ما صارقالوا اجل ذا الحين ودك ورايكإن ردت تجينا انت والا انعنى لكفي شوفتك ما احنا نخالف مقالكقلت الستر وانا أجيكم الى الدارعقب المشاره واشتهينا انتمشىوإلا عجوز كنها فرخ بشىملعونة الجدان نافشه الكشهشروى الكداده تشتكي مقبس النارجتنا تفرفر سايقتها الشياطينمتقلده المسباح بنت الملاعينكنها من اللي خايفات مصلينوهي عجوز ابليس تب تاخذ الثاريوم اقربتني لذت عنها بعايرقمت اتوهى واشتقل للعذايرقالت لوحده: الدها والكبايرانتي كبيرة يا حبيبة هالابكارقالت نعم يا خالتي هن خواتيرايحين نحط مطرز في عباتييوم اقعدت قد صار فيها صفاتيخمسة نجوم من الزري وخمسة اقمارقالت لهم وشذا الحكي يا العذارىماني مصدقتكم وهذي عيارىوشذا العباة اللي بخمسة اقماريوخمسة نجوم بالزري وشذا الاغبارغباركم ما هو يطير عليهوعلومكم عني فلا هي غبيهلا شك يا امكم ماني معيهالى بغيتوني فعندي لكم كارقالن لها ردي الحكي وارتدادهمن يوم شطبتي طريق العبادهانتي طريقك بالفسق والقوادهما انتي عجوز من هل الله الاخيارقالت لهن وشعاد ما عاد ذا عيببالكم تحطوا بي شك ولا ريبما داري عنا سوى عالم الغيبإلا الاله الرب للناس ستارقالن لها ما احنا على ما ذكرتنيلكن ما انتي ذي من الله خفتنيلومك علينا إن كان بالعين شفتيوإلا سمعتي عند احد لنا اخبارقالت اجل هرجي عليكم تهايميوم تكذبوني يا هذي الحمايملو ما نظرت بكم حقي علايمإن كان جنبتوا فلا البال لكم دارقالن لها وشذا العلايم يا خالهخافي من الله لا تحطي زغالهحنا ترى عفاف ولا بنا زغالهترى التهايم هي الخطايا والاكبارقالت انا ماني باشوفه بذراكممحمد اللعبون يسولف معاكمبعد تكذبوني وانا اللي أراكميوم تلاقيتوا وانتم معه أشوارقالن لها هذاك رجل مصليغريب يا خاله ولا له مسليومن العباير قام دمعه يهليمن فوق عينه ساكب شروى الامطارقالت لهن تخسون ماذا مصليهذا الذي لطرق اللواته متعليهذا الذي بريضانكم يبي يغليويقطع بدينه من مختلف الازهارهذا القبيح اللي طروقه قبيحههذا الذي علومه فلا هي صحيحهكانكم تفهمون الردات الصحيحهليا تقربونه ترى ذاك شهارهذا الحليبي مسكر من توطاهولا هو يخلي مغطي تم بغطاهلازم يكشف بالعياثه وياطاهعقب يشهره لي قفي عنه بديارشفت الحكي بلسانها هو يتباركحين طلعت أتلي عليها تباركساعة رأتني هي قالت مباركعليك يا محمد هذولاك الابكاريا خالتي مالي بهم قلت من عرفولا بعرف يا عجوز باهل المنصفبالك تحديني يا ذي على الحلفكفي الحكي عني ومالك بالاهذارقالت اجل ماني بشوفك توقفتمعهم تسولف يوم ما شفتني اجفلتوقفيت مكوبع في بشتك ولوذتعني يا الخبيث حدر ذاك الجدارقلت اشهد انك يا الخبيثه كذبتيوفي ملفظ لسانك فلا انتي صدقتيما عاد انا اصدقك لو انتي حلفتييا حمارة الشيطان لاعنك جبارقالت تكذبني تراني ملسمهواعلم العالم بستين حلمهثم اجل واشفيك يوم مظلمهجبح غما الدخان يا بنت الحمارلا غير الله عنك ولاني بباغيكوابليس ابو مره خذك هو يبغيكراكب على ظهرك ومطارد فيكومضربك يا الكافره درب الاوعارقالت لي اقصر عن كلامك وتركهوإياك تجعل بيننا اليوم عركهترى احرمك من هوى كل امتركتىواكسرك كسر ما تعالج بالاجبارقلت اذلفي مانتي من اللي تبينهيا الفارة النجسه وياذا اللعينهالله لعلك يا العدوه المبينهببلاك والي العرش دايم بالاحصارحتى تشوفين العنا والكسافهولاني عليك بالعون ناقل حسافهارجي عسى بالدار ما من حسافهمقدار ساعة دون قصاف الاعمارولي بلاك الله بعظيم البلاوييومك بليتيني بهذي الدهاويايش الذي حدك وانا النخاويوانا اختشي المعبود يا معدن العارقالت اعرفك لا تطير عيونكثم اخليك اتعالج طعونكأشفك مز برعك ولا هم يجونكإن كان يا الماهر فلا ابديت الاعذاراعرف ترى هرجتك زهداً بصيعيوتجي لمي يا محمد مطيعيعقب اتحكم بك ولا عاد ابيعيواشف بالك من جوازي الاقفارلكن الأولى تصير عندي صديقيوسو لي عن البخشيش يمك وريقياترك معاداتي حيثك رفيقيكلهم عجايز مير انا اللي من الاصغارقلت اشكثر يجون قالت لي اميهما فيهم العوده ولا عاد عميهكلهم سحار امهار يرعون بميهافات تفهم كل لغات الاطيارقلت ان معك اميه انا معي ألفكلهم عيال ينضرب فيهم الوصفمعهم سلاح زهبته راعد صلفإن حل يشتاكم وخلاكم انثارقالت لي اربيعك فلا لك محامينوحنا العجايز كل ابونا متصافينقلت لها بالعون ربعي مصافينوالف من العجايز لك فلا ياخذن ثارقالت اظنك ما تعرف العجايزمجندلة الابطال من غير مايزتبيني اعلمهم ولو كنت حايزوخلي يسقونك بكاسات الامرارقلت معثوره كان ذولاك ربعكبالعون ماهم مفككين وربعكانا الذي ياخذك ثم ان اطبعكيا الساحرة بكتابي مؤلف اشعارحتى يسبونك الى من قروا بهواصير معهم لك من الله عقوبة.........................................................هذا جزاك ودواك من هو يحفر لكتسعين باع حفرة عدها لكويشيلك من اذنك ثم يذبكليما يغدي ذاك الحطب كله اجمارودك بهذا البير والا بتابوتاجعلك به حية ولا عاد لك قوتوذبك ببحر تطمي مع الحوتليمن تدق بك موجة فوق قصارقالت لي اسكت ما هذرته كفانيبالعون ما لساني منك حمانيضيعت سحري انت يا الهلقمانيورجعتني غصب على بحور الافكارشفت العجر معها وركبت عليهاوقامت تقول بس واشارت بيديهاوراحت مقفيه قلت لحقوا عليهاحمارتك يا ابليس قصت بالاعذارراحت مقفية تابعه ألف شيطانوطرش على طايفه جند من الجاناحد يجن بطبول واحد بطيرانمن خلفهم فرعون يطوطي بمزمارباغيهم يزفون هذي العنيدهنار تلظى الها تسمع رعيدهنمرود قد أوصى علهيا عبيدهيحطون جديد وقودها صم واحجار
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.