عضة قهر

لـ محمد بن حسان، ، في غير مُحدد

عضة قهر - محمد بن حسان

الشعر حكي المشاعر والحبر دمع العيون
والهوى يعني تعال وقاوم جيوش السهر

أنت مالك بالمحبه غير تفكير و ظنون
شوق في تجريح في تفكير في عضة قهر

ويل قلبي وش بعد نتف الحواجب والجنون
وش بعد جرح ٍ يسيل وسبّته طعنة ظهر

جايع في حبها ما هزّني كب الصحون
(بالمحبه ضامي و رجلي على جال النهر)

كلما رددت هانت .. عاندتني ما تهون
من شقاها في عناها واحسب الساعه شهر

وآتحدى وقتي القاسي يكون ولا يكون
لين راح العمر فيني والعنا طول الدهر

الهوى طبعه كذا إما سعاده أو غبون
والشكاوي للشماته سر وإلا بالجهر

كم بكيت ولا اشتكيت اللي يمون ولا يمون
ويل حال اللي دفع دنياه لبنيّه مهر

قمت أونّ وليتها تنفع مع خضر الطعون
ونة ٍ من حرّها ذاب الخفوق المنصهر

قلتها والدمع عند اهل الهوى حبر العيون
كم جروح ٍ ما تداويها ولا (عضة قهر)

© 2024 - موقع الشعر