يشهد الله يا حياتي ما كذبت - محمد بن حسان

يا غناتي وش بقى غير الملام
ما كفاك إنّي على فرقاك شبت ؟

عايش ٍ ويّا السهر حرب و خصام
ما تهنيت بمنامي يوم غبت

لو بقول إن الظهر عندي ظلام
يشهد الله يا حياتي ما كذبت

كلما حاولت أعبّر بالكلام
ضاعت حروفي ولا كنّي كتبت

كلما شفتك على ذاك الغمام
روّحت بك ريح فرقاك و هربت

كم مشيتك يا سرابي للأمام
ما وصلتك وإن بغيت أرجع .. نشبت

ما بقى بي روح يا كود العظام
ابتلتني غيبتك ضيقه و كبت

وش تبي في غيبتك والله حرام
نفسي أعرف في غيابك وش كسبت

والله إني ما عرفت الإنهزام
لو عشانك تلتقي جمعه و سبت

إن نسيتك ... وا على الدنيا السلام
ما كفاك إني على فرقاك شبت

لو تعبّر دمعتي كل الكلام
يشهد الله يا حياتي ما كذبت

© 2022 - موقع الشعر