يشهد التاريخ - مطلق بن شلاح المطيري

يا سمو المجد يا عبدالعزيز
يالامير ابن الامير ابن الامام

مرحبا بك يالعزيز ابن العزيز
وانتم أهل المجد في حرب وسلام

جدّك معزي حشا ماله لزيز
يشهد التاريخ له شرقٍ وشام

قادها بالعز قبل الماركيز
بالرمك والجيش وبحد الحسام

ووالدك بالطيب له علمٍ ركيز
في علوم المرجله ذروة سنام

والفخر لك بالوفا غصبٍ يجيز
ماخذٍ من فعلهم نهج ونظام

وانت في درب المكارم لك حفيز
ماركه باسمك توثّق باحترام

قلتها بيتين والمعنى وجيز
قدركم بالصدر ما هو بالكلام

© 2024 - موقع الشعر