صوت القدس - مطلق بن شلاح المطيري
يسري بي الهوجاس حينٍ بعد حينواسترجع التاريخ واقول هيهاتتاريخ كنّا فيه حنّا السلاطينوكنّا شعاع النور لاهل الحضاراتوحدودنا من شرق هيبه إلى الصينوامجادنا من غرب بحر المتاهاتننشر لوا الاسلام ونعلّم الدينونبني صروح المجد ماهي خرافاتوسلاحنا القرآن فالعسر واللّينوعزمٍٍ كتبنا فيه لا مستحيلاتخضنا غمار المجد حزنا نياشينلن كان فالعمران والاّ اختراعاتوكنّا حماة الدين للشرع تاميننرفع بوجه الظلم للحق راياتوكنا يدٍ للعلم تبني ميادينويدٍ بشرع الله تجني فتوحاتلن كان فاليرموك والا بحطينرايات للاسلام فيها انتصاراتواليوم حنّا وين وامجادنا وينصرنا بتالي الوقت عدة دويلاتكلٍ على ليلاه ياليل ياعينوالغرب يضحك يوم رحنا له اشاتاستعمرونا سنين وسنين وسنينو تقاسمونا احياء في اعداد الامواتولا غادروا ياناس من دارنا لينصرنا لهم نحتاج في كل الأوقاتوحطّوا رسوم حدود مابينّا البينحدود للتفريق تبني عداواتوصرنا امم وشعوب والوضع تخمينوالّلي زرعه الكره نجنيه نكساتوبداية النكسات ضيعت فلسطينصار لبني صهيون فيها مقراتصاروا وريث الغرب للعرب سكينمزروعة لتقطيع كل العلاقاتوحنا سبايب ما تشوفون بالعينوامر وادهى ماهو قادم وآتوشعارنا هاليوم مابين قوسين»غدر وخيانة تفرقه وانقلابات«وشوفوا سياستنا بعد حرب تشرينصرنا نوقع غصب ما هي قناعاتوسلاحنا مذخور للربع الا دنينوضد العدو تنديد برد وسلاماتواكبر دليل شصار في عام تسعينلا دين ولا جيره ترد الحماقاتواعلامنا معروف للنار بنزينللشر والتزوير بث المحطاتهذا هو الموجز والاخبار بعدينلا صار عقل الآدمي شاهد اثباتبالأمس صوت القدس ينخى الملايينواليوم في غزه صراع القياداتلعبة كراسي ضاع فيها مساكينشعب مصيره ضاع في هالسياساتشارون ما يفرق عن اسحاق رابينوعباس واسماعيل »ياسر عرفات«على الهواء غزه تذوق الامرّيننار اليهود.. ونار غدر وخياناتأطفال تقتل والجثث شوف بالعينصوت المدافع وانهيار البناياتوأهل القضيه بينهم دُقْ الاسفينواكبر طموح اليوم عقد اجتماعاتلن ما وقفنا صف ما هو بصفينوأهم شيء تكون وقفه مع الذاتلازم تغيّر نهجنا والمضامينحتى نعيد امجاد ماضٍ لنا فاتهذا الصحيح وفيه كل البراهينما هو دجل واعلام والا دعاياتوختامها في بيت من فوق خطينمضرب مثل يغنيك عن هالشعاراتما راح منك بغصب ما يرجع بلين»ومن لا تقاضى حي يقمح اليا مات«
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.