شعور البلاده

تدرون وش يعني شعور البلادة ؟
إنك تعيش الوقت من غير تفكير

تدري متى الناقص تشوفه زيادة
لا صرت بين مجاملات ومكابير

تدري وش اللي يدفعك للريادة
إن شفت شي ٍ صار لا يمكن يصير

تدري وش اللي يعجبك فالركادة
لو شفت غيرك بين ذنب ٍ وتبرير

تدري وش اللي فيه عزم وإرادة
لا شفت بيت النمل .. دقّه و تدبير

تدري وش اللي فيه كل السعادة
لا صرت في زمزم حوالينك البير

تدري من اللي يستحق الإشادة
من طاوع الرحمن من غير تقصير

كل ٍ بهالدنيا يجيه إجتهادة
سبحانه اللي يرزق الناس والطير

والعمر دايم ما يعرف الإعادة
يا كود مرّه بين ربح ومخاسير

لو كان عمرك ينقضي بالعبادة
ترتاح في دنياك وتموت في خير