الوفا طبعي - محمد بن حسان

دام الوفا طبعي وفيني لباقه
دعيت ربي ما يغير طبوعي

صحيح مدح النفس فيه الحماقه
لكن تشوف العين شي ٍيروعي

من عادة الأنذال كثرالطفاقه
وأنا عطيت النذل ياهيه كوعي

أحيان ماودي بأية علاقه
وأرتاح من هم ٍتلحف ضلوعي

مدام في جيبي فلوس وبطاقه
بأمشي ورجلي ما تخاف الوقوعي

بعض البشر تعجبك فيه الطلاقه
وبعض البشر للناس دايم تبوعي

والصاحب الصنديد عند الرفاقه
لو هو بعيد يصير أغلى ربوعي

أنا عرفت الناس أصل وعراقه
ولاني أجهل في البشر كل نوعي

لو يعجبك ذاك البحر في زراقه
إحذر تضيع وما تدل الرجوعي

ترى غناة النفس ماهي محاقه
كنز القناعه وانت خلك قنوعي

دام الوفا طبعي وفيني لباقه
دعيت ربي ما يغير طبوعي

© 2024 - موقع الشعر