يا سعود ماضحك غير في عطلة الصيف - محمد السمي

يا سعود ماضحك غير في عطلة الصيف
عسى عيوني من سهرها امجاره

جونا ضيوف ٍ يالسنافي مراهيف
سبرتهم لين ادخلوا فالعماره

سياحته في نجد ما ياصل جنيف
اما يمين الخط والا يساره

وشلون اوصف يصعبن التواصيف
زول ٍ مسويله من الزين اماره

ابو خشيم ٍٍ يشبه لسلة السيف
يا طيب حظي يوم جانا زياره

وابو العيون اللي هدبها مهاييف
خلني اكمل لا تكن الزقاره

خذ له سنه وحبيّب القلب ماشيف
وضحت لك والحر تكفيه اشاره

وجعل المزون اللي تزبر مراديف
ينصب ماها لين تسقي دياره

وذي شوفته من عطلة الصيف للصيف
فرصه والا فاتت تسجل خساره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر