عطلة الصيف - عبدالكريم الجباري

الصيف قالو به طرابه ولذات
وانا كرهت الصيف ياعطلت الصيف

لو كانها بالحر قلنا سهالات
مير البلا فرّق قلوب المواليف

لو جيت اسافر به على غير مشهات
لو كثرت السفرات ماهي على الكيف

هذا يبي لندن وهذا الامارات
وهذا حجز للهند وهذاك لجنيف

وهذا يبي يخرّج حدود القريات
وهذا توّنس بالقريات وطريف

وهذا ولايعرف طريق الجوازات
وهذا يقظّي عطلته داخل السيف

الوقت ظايع في جميع المجالات
من فضل ربي منحسب للتكاليف

لاكن وقتي ماهو بمثل الاوقات
لي صاحبن فارق عيوني ولاشيف

مرات اقول اليوم فايت ولافات
راح الكثير ومابقا الا تناتيف

اضحك على نفسي واراوي مراوات
واغير ايامي واحّرف تحاريف

ياليت والله يسحبون الجوازات
والله كرهت الصيف ياعطلت الصيف

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر