مساجله بين نايف المورقي وكديميس العصيمي

ارسل الشاعر نايف بن غازي المورقي
هذه القصيده لكديميس

يقول :
هات القلم واكتب كلامٍ على الراء

واكتب على القرطاس واضح مقالي
هاجوس طاريلي وفيه اتطراء

ببيوت شعر والمعاني ثقالي
هديتن مني بمعنى يسرا

مني لابو سلطان ذيب العيالي
ولعلها تقبل بعد ما تقرا

وترضيك يالصاحب كريم السبالي
واليا قريت رسالتي لا تزرا

حيث ان معناها على اللي طرالي
واللي طرالي كثر وقتي يمرا

تفكير بالدنيا وكثر انشغالي
واعرف ترى الدنيا حلاها مضرا

لو ساعفتك اليوم باكر تزالي
محدن صفت له قبلنا واستقرا

تلف الاجيال مثل المحالي
وانا احمد الله من عناها مجرا

اضربها الحيطان جالٍ بجالي
والزرق عند الله على ما يورا

مقسمن بامره على كل حالي
والفرق باللي يحفظ الخمس مرا

لا بد عنها يابن ادم تسالي
***

رد الشاعر كديميس :-
يالله ياللي منك خيراً وشرا

رحمتك عندي منتهى راس مالي
من لا سترته ياكريم يتعراحيثك على كل الامور متعالي

ياللي قريت الشعر مدري تقرا
وجهت محالك لا تواجه محالي

انت وانا في وسط بيتٍ مذرا
ينلاذ به عن ضيم سود الليالي

من هيبته عنا الزهوف يتدرا
حيث ان باركانه رجالٍ مدالي

وكان انت في نظم القوافي تجرا
وتقدر تحل مشربكات الحبالي

أسمع صريخ اقلام الاختام برا
اطلع لهم كان انت حامي توالي

لين العميل من عميله يتبرا
جرد حسامك دون جالك وجالي

مدام انا متحيزمٍ فوق غراومحاصرن خيل الحفيف الشمالي
من بين اخو ساره وبين اخو سرا

ومن بين خيال البكار الغوالي
مره نسريهم ومره نسرا

ومن بينا زرق الرماح متوالي
اما انطح السربه وسل المزرا

ولا انتظر حتى يبين الهلالي