ريّس المركز - كديميس العصيمي البرقاوي

قالها في احد اصحابه الذين يعتمد
عليهم فالأمور الصعبة

وين ابا القى لي طويلٍ فيه اعدي
ضايقٍ صدري عسى فالامر خيره

بالروابع ويش اوخر ويش ابدي
من هواجيسٍ تجاذبني كثيره

ريس المركز نقل ماهوب ودي
جعله من حيث وجه له سفيره

وله عليها دين مبطي ومتعدي
ولا طلبنياه مستغنن بخيره

يوم تشكيل المشاكل صار ضدي
وصارت الدعوه على مثلي كبيره

شال حملي وانته لا يردي
كل ماشافه على متني يديره

قبل لابدي له عبارات التجدي
عارض لي فزعته قبل استشيره

لا قريب لي ولا جده بجدي
كل منا يتمي له أل عشيره

مار رجلٍ للمشاكل مستعدي
مايهاب المشكله لو هي عسيره

لو حظر وقت المغازي والتعدي
كان يثني خلفهم لا جت كسيره

الرجل يقدر يداحم فالتحدي
له نظر فالمعضلات وله بصيره

من حداه اللال والعزم متردي
وان حصل بين البصيره والقصيره

يزبن اللي عن لزومه ما يصدي
ينقذه لاصار منحاسٍ مريره

وعادة الصنديد يثبت للتصدي
ماتزعزعه الامور المستطيره

له تحيات الوفا مني وبدي
وانشريها بالجزيره يالجزيره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر