بين زيد الدعجاني وكديميس العصيمي - كديميس العصيمي البرقاوي

قصيدة كديميس
يازيد وصلتنا المكاتيب يازيديامرحبا بكتابكم يابن غازي

ليلة لفانا كنها ليلة العيدلو كان ما وضح دروب المغازي
يازيد جنبت المحاله عن السيد

مدري علامك ياثقيل المرازي
أشرح لك المعنى بوصفٍ وتحديد

وتصير مثل اللي يخايل خزازي
يازيد جددت المكاتيب تجديد

وجنبت عن درب الوعر بانحيازي
وانا مضالي فالعمل كل تنكيد

وراك ماتفزع لمن صار قازي
بلاي من طول الليال السراميد

حالي مثل حالة عليل النحازي
يومن عندك رخصةٍ تطرد الصيد

وعندك وينتاتن تذب النوازي
ورايك براسك ماحدوك المقاريد

وفي يدك من نص النظام اعتنازي
وربعك عيالٍ من خيار الاجاويد

وش عذركم عن واجبي يابن غازي
طالبك تاصلي عشيري ورى الحيد

في ماقع مدهال ريم الجوازي
وتخبره عني ابخصٍ وتوكيد

حتى يصير بمنهج الحب لازي
مانيب غاوي دارهم والمواريد

ودي لكن مجودلي حجازي
من دونه اللي ينقلون البواريد

ربعٍ حماهم دايمٍ ما يهازي
وانته تفصلي معانن بتحديد

ولاحدن ذكر من كثرة الهرج فازي
وتذكر لي الحبل الحمر والتفاريد

مانيب معتازٍ عن الناس عازي
يازيد حنا للمعاني بواليد

ولا قلت لك يازيد عطني غوازي
ابغاك تطرش يمهم بالمسانيد

يوم انت عندي بالدبادب تنازي
انته وزولك مثل زول المفاريد

وعيونك اللي كن فيهن ترازي
سويت نفسك فارسٍ مثل ابو زيد

وسافرتني من غير تمضي جوازي
سوالفك يضحك بها زيد وعبيد

مغلوث مايشفيك دم البرازي
الحر ماياكل مثان العجاريد

وهرج القفا خازي وراعيه خازي
وانا على المله ابفقهن وتوحيد

ولانيب من يشري توال القزازي
ماني من اللي يدهلون القواويد

اللي على الغرفه يجي بالاعازي
***

رد زيد الدعجاني على القصيده
قولٍ لفاني فيه عدل وهرابيد

ولاني بياع الذهب بالبيازي
يافهيد لا تخطي على زيد يافهيد

وانته عزيز ومن رجالٍ عزازي
اللي يريد الماء يدل المواريد

والا انت فاتت شبتك وانت جازي
من نجد ماظني تحصل مقاصيد

انحر جبل لبنان ولا شرازي
تجيك عضات البني المناهيد

اللي هواهن دايمٍ للرهازي
وخل الافاعي في شمعها ملابيد

من طاول اطول منه ماقيل فازي
اخذ الكلام وخل عنك التصاديد

وترى عيوني ما مشت بالمخازي
عاشت وشامت عن دروب المناقيد

وتاريخها ماسجلو به حزازي
قولي مع هل القول جد وتماجيد

سمن وعسل مافيه ديزل وقازي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر