على الدنيا السلام - فيصل السواط

السكوت احيان خير امن الكلام والكلام احيان خير امن السكوت
ووالله ان الضرب فالميت حرام لايعيش بخاتمه ولا يموت
ما نقول الا على الدنيا السلام شقلبت كل البطايق والكروت
وامتلى صدري من اسراب الحمام وامتلى راسي من جزال البيوت
يشهد الله ما يلحّقني ملام غير واحد ما نفض كل البشوت
ولا يصيد الجارح الحرّ القطام من تلوّى في شباك العنكبوت
والقضيّه يا بني عمي الكرام واضحه عندي ولا فيها ثبوت
اعطي البيضا على وجه الغمام وادعي الله في صلاتي والقنوت
يحفظ الديره من عيال الحرام واتعزوى فالقبايل والبيوت
واحسبني فيكم اشدّ الحزام واثركم ضدي على نيّه وصوت
ماعطيت الا محبّه واحترام ولا لقيت الا عداوه ما تموت
ولا يموت شعيل والما فالسنام فالمداين والصحاري والخبوت
لكن الله ياخفافيش الظلام يكشف الغشاش في لعب البلوت
دامها بانت ولا فيها كلام ولا بقى غير الصراحه والسكوت
© 2024 - موقع الشعر