انسان عادي - فيصل السواط
قالت من انت وقلت انا انسان عادي من كل خير وشر تلقين فيّهاحب واكره واتنرفز واعادي واحزن وافرفش للقلوب النقيّهواغير واعشق واتألم وانادي واحلم وافكر فالحياه الغبيّههادي بوقت ووقت ماني بهادي تنفر شضايايا شضيه شضيهأحيان اطيّر في ربيعي جرادي وانسف بنايات الهوى بالخطيّهواحيان ما اهنا في شرابي وزادي اليا جرحت انسان من غير نيّهوغريب مدري وين راحت بلادي وما للمحبه في ضميري هويّهوشاعر واهيم بكل وادي ووادي واعرف وش اللي لي وش اللي عليهلو كان شعري ما يحقق مرادي لكنّ يخفف من حمولي شويّهوإنسان عندي في حياتي مبادي خلّيتها بين السجايا سجيهوعندي عيوب ولي مزايا وغادي عشان اغطّي كل عيب بمزيّهواكبر عيوبي يتضح في عنادي واصغر عيوبي نفسي اللي غنيّهعشانها مسجون سجن انفرادي لو انّ مفتاح السجن في يديّهوعلاقتي بالناس حسب اعتقادي واضح وللعالم ملامح خفيّهأما بياضي بان ولاّ سوادي لهل الوجيه الطيبه والرديّهاكره كذا لون النفاق الرمادي اللي يجرّدنا من الآدميّهواحب اكون انسان فعلاً قيادي ما احب اكون امن الرعايا رعيّهممّا تسبّب في ظروف ابتعادي عن اكثر العالم وصارت قضيّهونفسي توايق فوق روس المبادي والوقت غرّ اهل الكفوف النديّهونارٍ تشبّ ولا شعمها زنادي ماهي بناري واللهايب مدّيهوالسالفه ذاعت بكل الروادي وجتني على هامش خيالي صبيّهقالت من انت وقلت انا انسان عادي من كل خير وشر تلقين فيه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.