( انسان عادي )

لاصرت كذاب مالي بالغلا حاجه
لاشك هذا سبب ماسببّه فعلك ..

الحب ضيعت مدخاله ومخراجه
وزليت في حقي ومليت ارقع لك ..

صكيت قلبي بمفتاحه ومزلاجه
لاتفكر اني بعد هاليوم برجع لك ..

صحيت من عالم العشاق وازعاجه
وريحت عقلي من التفكير في زعلك ..

وقطعت حبل الوصل لو أنت محتاجه
وان شفت حالك ذبل ماجيتك.أفزع لك ..

يمكن يجي يوم بالشارع ونتواج
(انسان عادي) من الشارع (اوسع لك) ..

خلاص ماعاد لك عندي ولا حاجه
خذها (قَرنتي) وبالتوقيع اوقّع لك ..