( قسوتك ) !!

جيت كلي من ضما الشوق وعيوني تبيك
برتوي شوفك لو الشوف مايروي ضماي

قلت ابتغلا وابزعل وابرجع بين ايديك
مادريت انك من اليوم تتحرى خطاي

لاتعاتبني طلبتك ويرحم والديك
ماقصرت الواجب اللي يقلل من غلاي

وآفيه بحقوق الاحباب مامعك الشريك
حافظه حبك عن الناس في لبة حشاي

لو تبيني بس اعدد حقوقي اللي عليك
كان والله تعترف لي بتقصيرك معاي

لكن الحب الحقيقي يخليني اجيك
واعنيلك بس ادوّر من الضيقه دواي

وأتفاخر بين نفسي وحبي واشتريك
من غلاتك كنك النجم في عالي سماي

قسوتك فيني كبيره ومدري اشصار فيك !
لاتجنني بفعلك .. ولاتبحث خفاي