يا(مها) لوّ أطالع بالمرايه أشوف
الدموع الغزيره يوم جفني خدر
ابتدي من غلاته وانتهي بالوصوف
وأنتخي في دموعي لو دموعي هدر
مايفيد التمني لو صفقت الكفوف
وما تفيد القصايد مع لهيب الصدر
قلت أعيش العمر قبل الأماني تطوف
واتحاشا ظروفي لو ظروفي كدر
من حبيبٍ ٍ على وصلي شفوقٍ ٍ عطوف
يوم غيره لقلبي لا حشا ماقدر
كاملٍ ٍ بالمزايا في وفاه امعروف
والوفى في زمان الحب هذا .. ندر
عشت معه الهوى مابين غيره وخوف
اتفادا من التقصير لو ما بدر
لجل عينه بدعت احساس فكري حروف
أكتبه للعلا ماهوب للمنحدر
لكن الحب يذبح والقهر بالظروف
ويل حالي من أوضاع القضى والقدر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.