جنّة الدنيا معاك وجنّة الدنيا معايا - كديميس السيحاني

انفجر صمت الخفوق وذبذباته عذبنّه
تصفق امواج الغلا بأسلاك من ودك عرايا

واستباح النطق بحروف القوافي وأوجزنّه
ماقدر نطق الكلام وحرف شعره له خفايا

يا وليفي اسقني شهد الرضاب ولا تمنه
بلسم اجروح الخفوق ومنتهى ورد الضمايا

من ثمان ٍ كنهن الدّ ر مجني من مغنّه
انفرز منهن صفاه وبل عذبات الشفايا

طعمه الشهد المصفى والشهد مجني منّه
له مذاق بلا عتاق ومنه يبرد لي ضمايا

سلسبيل الزنجبيل ومِنّه الكافور خِنّه
هو دواي وهو شقاي ويورد حياض المنايا

وضمني للصدر ضمّه بالشعور المستكنّه
واتلحف بالجديل ولف بيدينك ورايا

كل ضمّه يقتفيها من خفايا الصدر ونّه
ونّة اشواق الخفوق اللى يغطيها سمايا

هو شهيد اللي يموت بسبته والموت سنّه؟
هو حرام ليا طلبته منك في حكم القضايا؟

بس يكفيني كذا واقول ذي دنياي جنّه
جنّة الدنيا معاك وجنّة الدنيا معايا

© 2024 - موقع الشعر