يا ملاك الحسن - كديميس السيحاني

ليت ما احد(ن) يا خذ بخاطره من نظم قاف
والله اني لبدي لحون حرفي وانتجه

لجل من ثار القريحه ومعه الفكر طاف
في دهاليز الجزاله , وقافه ينسجه

لو بغيت اقول ما ترحم الحدب النحاف
قال يا خبث النوايا , وانا وين اتجه

وان بغيت احط معدال لجل الحق اخاف
إي تذيّر منه شبه الغزيّل وازعجه

الليالي علمتنا طريق الإنعطاف
و تسهر الليل الطويل العيون و تسهجه

يا ملاك الحسن لو كل ما يخفى يشاف
ما احتفظ صدرٌ بالأسرار لو هي تبهجه

ولو يميل القلب مع كل نهرٍ له ضفاف
ما يميل لكل ضحكة وغمزه وغنجه

بيني وبينك موازين عدل الإعتكاف
ومن نقد ينقد وهو ضايعٌ في البهرجه

لو توارى الطير وقت الغروب انهى المطاف
مأمنه في مخدعه عشّ غصن ٌ يسرجه

ما درى إن النور يبجد ظلام الإنحراف
ينجلي معه الدجى الدرب مافيه ارتجه

و انت لا تبخل مواصيل,دام الضيف ضاف
يوم طيفك يبتسم في ثناياك ءفلجه

خط سير القافلة و اشبع سنينٌ عجاف
قالوا إن الهرج ترديده اللي يسمجه

© 2022 - موقع الشعر