المطر والاغاني

طق المطروالجرح مبطي وونيت
كل ماذكرته.. كل حزن غزاني

ماهمني لو قالوا الناس حبيت
متعدي الخمسين شين أسمراني

لو زارني يفتح له القلب والبيت
أحب حبه لو يعذب كياني

لو قالوا إنة عايش بحزن شبيت
نار تخلي القلب مثله يعاني

وإن قالوا العذال إن رحت أو جيت
ما أثرت فيها المحبه ثواني

يكفيني إني لأجله الكون أغليت
ولأجله بعد عاشت بصدري أماني

ولأجله عرفت إن القصايد لها صيت
أوحيتها تنبض بقلبي معاني

رغم الحزن والبعد عليه وصيت
وقلبي وروحي والمطر والأغاني