يارفيق الدرب والرجله طويله
شف علامات التعب في وسط جوفي
ماكسبت من الهموم إلا الثقيله
ولا قريت من السطور إلا حروفي
وماربحت من الهوى غيرك وسيله
ولا رضيت إلا بطعناتك وخوفي
لك حلال الروح..لو كانت عليله
أحيها بالحب..والأيام توفي
ناسيه قلبي معك برق أخيله
حالفه يبقى سندك إللي عطوفي
ومعك نفسي راضيه روحك بديله
ضمت جروحي على جروحك كتوفي
وأنت فيك أروع علامات الرجوله
شاهد قلبي على طيبك وشوفي
لو عذابك غيث..ما أروى من هميله
كنك إللي سارق قلبي بكيفي
أن وهبت الشوق خوفت أنقص قليله
وأن وهبتك عمر..عذبتك ظروفي
يابعد عمر التعب وأعذب خليله
السهر بأرباع خفاقك وريفي
والخفوق اللي يهز البعد حيله
صار قلبك من كثر شوقه سيوفي
مابقى غير المواعيد الذليله
في دروب العشق لا تحلم بطيفي
عاشقه قلبك ولكني بخيله
برد روحي يحلم بلوعات صيفي
وأنت مثل الورد مايجرح عميله
لا تحاول تجرح الباقي بجوفي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.