مزاجي

لـ عجايب، ، في غير مُحدد

مزاجي - عجايب

هذا هو نفسه طريقي من سنه
ذا حصاه ولون رمله والحنين

ماتغير شي في هالأمكنه
غير بعض أثار جرح من السنين

هذا حبي له تناسيت أدفنه
ماتغير شامخ لو هو حزين

ديرة فيها المطر له ألحنه
في قمرها منبر العشق دفين

في سماها غيم كل الأزمنه
يروي الصحراء وتزهر جنتين

كان له قلبي علامه يطعنه
صب فيه المر وأسقاه الونين

اثره الشوق اصعب من الألسنه
لا اذكرتك بشين عن الحاضرين

خان؟ادري بس لو جاء أضمنه
عمره المؤمن مايلدغ مرتين

اعرفه واقدر اميز معدنه
هو مزاجي بس قلبه لي رهين

© 2024 - موقع الشعر