تعرف مزاجي كيف مافيه حيلة - حميد المخلوق

وينك يا أغلى الناس ، تكفى أناديك
المزاج ذابحني بهالوقت ، ويلة

متعوِّد ٍ تدري على الضّيق بآجيك
وآدقّق أبوابك عساها وسيلة

انته الوحيد اللي أغلّيك و أعنيك
القلب تايه وانْتْ وحدك خليلة

مانام طول الليل ، ويصبّح الدّيك
والنومة اللي تعتريني ذليلة

كل الحلول الحين والمقدرة فيك
تعرف مزاجي كيف مافيه حيلة

ياهيه تكفى باح صوتي و أحاجيك
وش حيلتي! تكفى حلولي قليلة

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر