تعرف مزاجي كيف مافيه حيلة - حميد المخلوق

وينك يا أغلى الناس ، تكفى أناديك
المزاج ذابحني بهالوقت ، ويلة

متعوِّد ٍ تدري على الضّيق بآجيك
وآدقّق أبوابك عساها وسيلة

انته الوحيد اللي أغلّيك و أعنيك
القلب تايه وانْتْ وحدك خليلة

مانام طول الليل ، ويصبّح الدّيك
والنومة اللي تعتريني ذليلة

كل الحلول الحين والمقدرة فيك
تعرف مزاجي كيف مافيه حيلة

ياهيه تكفى باح صوتي و أحاجيك
وش حيلتي! تكفى حلولي قليلة

© 2024 - موقع الشعر