بين التمني والحقايق مسافات

بين التمني والحقايق مسافات
ولايدرك الطولات كودالسنافي

شروى محمد ماعرف للتفاهات
أكرم وأنعم صاحبي يابووافي

سهرت ليلي أدعي الله مناجات
وأطلب من اللي عالم(ن)بالخوافي

إنّه يعدل الحال مادامها أشتات
ويعدّل الميلات ترجع خلافي

وبعض العقول وكنها تسكن أموات
متنهجه درب الكبروالتجافي

يشيخ دامه منطقه بالريالات
ويلقى عقول(ن)يامحمدضعافي

تتبع رديّ الوقت ترجي كرامات
ولاهي من اللي فكرته بالعفافي

نطلب ولكن من رفيع للسموات
دام التوّكل منهجك لاتخافي

وياماتشوف بوقتناعالم أشتات
أحد(ن)وفاء بالوعدوأحد(ن)مايافي

وأحد(ن)يشذوينعرف بالنذالات
وعن الردى يالله طلبتك عوافي

نهاية الدنيا تشتت كرامات
وأغلب فحول القوم تحت السوافي