الناس ياعالم علينا تشابه

الناس ياعالم علينا تشابه
مختلطة ٍ رديانها والمناعير

في وقت يحمل يالأوادم غرابه
متناقضاته ماتبي له تفاسير

سؤال حاير مالقاء من أجابه
وين الرجال مكرمين المسايير

قلّ الوفاء في وقتنا ياسفابه
وكثرت خبول ٍ من رداها تبي تطير

كيف النذاله ترجموها حبابه
والطيب غايب والبلاء دون تبرير

والخلق كنّه عايشه وسط غابه
ماعاد نفرق حامل العود والكير

كيف الحصاني تحسب إنه ذيابه
والكلب ينبح في زمان المغارير

من هو ملك قرشين كل ٍ يهابه
وقت ٍ يخلي أسود الوجه نحرير

كثر الردى والطيب روّح نهابه
وحتى الرخم في وقتناصارت تغير