الجوء زان خاطر القاف مازان - عبدالكريم بن خزيم

الجوء زان وخاطر القاف مازان
والشعرترجم ماتحس الرجاجيل

وسويت من شعري عن الوقت تبيان
وحلّلت واقع حضرت الوقت تحليل

كيف الخبل في وقنا صار له شان
ولا له مع الفزعة علوم ومحاصيل

دامه ملك قرشين يحشم وينصان
وأهل المصالح يابشر هدّت الحيل

أحد ٍ سنافي لا أظلم الوقت ذيبان
تلقاه حاضر ماعرف سكّة الميل

دايم يجمّل لانصيته بليهان
يفرح يشوف الضيف وافي وحليحيل

له فزعة ٍ تروي ضماء كل عطشان
ولحمول ربعه يدرك الشي ويشيل

وأحد ٍ ردي حتى مع أهله والأخوان
وإلى تكلّم تعرف إنه مخيبيل

والفزعة غابت والسعد قل مايبان
والذيب هايب يفرسه أزهر الذيل

وكثر الردى والطيب وش فيه مرضان
والنفس جاها من غثاها بهاذيل

وصار الكريم بوقتنا كيف! ينهان
وراع المراجل داهمته الغرابيل

وقت ٍ يخلي راعي الشعر شفقان
إنه يسطّر مايحسّه مواويل

عشنا بوقت ٍ ماعرفنا له أوزان
والناس تفرق يابشر وسط هالجيل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر