الوقت لنه زان خذ ماصفى لك
تدري ان كانه فات صعباً تطوله
والورد خذ عطره لكامل زمانك
عمره ترى ساعات ويعلن ذبوله
وصاحبك خله دوم جل اهتمامك
في حزت الحاجات له معك صوله
وافتح انا الموضوع بقولي علامك؟
متغيراً.موجز كلامي وشموله
متغيراً حتى بنغمة كلامك
ترد وتجامل ببسمه خجوله
يامرحبا واقولك كيف حالك؟
وش السبب؟عندك كلاماً تقوله؟
مدري وش اللي صار؟وشهي اسبابك
لكن عن عالمك نفسي معزوله
ماكنني من هو بيوماً زهى لك
وماكنني حلماً تمنى تطوله
وماكنني في يوم عشت بخيالك
وماكنني غايب تمنى وصوله
قلي و ش اللي صار واللي بدالك
ولا تجعل احكامك علينا عجوله
لو كنت ماجاوبت عارف جوابك
ياكتاب انا قاريه وفاهم فصوله
ان كان انا مخطي ترى الخير فالك
عذر وسموحه وطالبينك قبوله
عواد الهران
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.